Þessi færsla er ekki kostuð.

Eins og ég sagði ykkur frá í seinustu færslu þá fengum við String hillu í jólagjöf en var þannig
dökk hilla búin að vera á óskalistanum í smá tíma. Mig langaði upprunalega í svarta en sú sem
við fengum er úr gullfallegum dökkdökkdökkbrúnum við sem er ennþá fallegri finnst mér - ég
ákvað að setja hana upp á veggnum á móti rúminu okkar inn í svefnherbergi en mig langaði
aðeins að breyta til þar og einnig langaði mig í smá stað fyrir dótið hans Frosta þar sem hann
er enn að deila herbergi með okkur. Ég er ekkert smá ánægð með útkomuna en það er alveg
magnað hvað svona litlar breytingar geta gert mikið. Það sést einnig glitta í nýja fallega
Eclipse lampann minn frá HAF Store sem Níels gaf mér í jólagjöf - hann er svo fallegur 

String Pocket hilla í Oiled Smoked Oak (fæst í Epal)     Baby's First Book (fæst í Petit)     Maileg mús (fæst í Petit)
Sebra pönduhringla (fæst í Petit)     Pom Pom lakkskór (fæst í Petit)     Lyngby vasi (fæst í Epal)     Fíll (fæst í Epal)
Sebra pönduspiladós (fæst í Petit)     Liewood stafakubbar (fæst í Dimm)



Halló og gleðilegt nýtt ár - orðatiltækið betra seint en aldrei á sko heldur betur við hérna! Ég ákvað að
taka mér smá pásu frá blogginu yfir jólin og áramótin og entist pásan aðeins lengur en ég ætlaði mér 
en það gefst ekki mikill tími lengur að setjast niður við tölvuna. Við Frosti erum saman í orlofi og
Níels byrjaður að vinna aftur svo dagarnir mínir fara í að njóta með honum. Hann braggast ótrúlega
vel en eins og þið flest vitið kom hann fyrir tímann en það er svo yndislegt að sjá hann vaxa og dafna
svona vel. Hann er orðinn svo stór finnst mér enda elskar hann að vera á brjóstinu og er allt annað að
sjá hann miðað við fyrstu dagana þegar hann var ekki með neitt utan á sér. Hann fullkomnaði lífið 
okkar og erum við svo spennt fyrir árinu 2019 með honum! 

Við eyddum jólunum heima hjá foreldrum mínum og áramótunum með fjölskyldunni hans Níelsar
og var það alveg hreint yndislegt. Seinustu dagar hafa farið í algjöra afslöppun en ég er aðeins búin
að vera að laga til og breyta hér heima en við hengdum upp String hillu sem við fengum í jólagjöf 
og breyttum aðeins þar og svo er ég þessa dagana að stytta gardínurnar okkar en ég hef frestað því
í rúmt ár. Við erum í söluhugleiðingum sem mér finnst smá erfitt en ég elska íbúðina okkar svo
mikið en í sannleika sagt erum við búin að sprengja hana af dóti svo okkur langar að stækka við
okkur. Það ferli er ekki auðvelt skal ég segja ykkur en vonandi finnum við réttu eignina fyrir
okkur á árinu. Mig langar að deila með ykkur nokkrum myndum frá seinustu vikum (þær eru 
ekki margar, ég tek ekki myndir af fleiru en Frosta þessa dagana haha) 

Ein frá jólunum - ég fékk mér þennan gullfallega samfesting frá Selected og var í honum.
Ótrúlega fallegur og þægilegur!

Hér er String hillan sem um ræðir - mig langaði svo að hengja hana upp inn í
herbergi og setja smá af dótinu hans Frosta í hana. Ég ætla að gera sér færslu
um þessar breytingar sem kemur inn á næstu dögum!

Frosti og Kannsa Kanína - síðan hann fæddist hef ég tekið myndir af honum
reglulega með kanínunni og það er alveg hreint magnað að sjá hversu mikið
hann er búinn að stækka!

Ein önnur speglamynd fyrir eitt annað opið hús - eitthvað sem við
stundum þessa dagana!
Þessi færsla er unnin í samstarfi við BECCA.

Fyrst þegar Be A Light pallettan frá BECCA kom í sölu hérlendis í sumar bloggaði ég um hana
(sjá færsluna HÉR) en ég hef ekki notað eina pallettu eins mikið og ég hef notað þessa. Mér finnst
svo þægilegt að hafa allt sem maður þarf á einum stað en inniheldur pallettan öll þau púður sem þarf
á andlitið að mínu mati. Hún inniheldur fjögur mismunandi púður - fyrst er það ,,brightening" púður
sem ég nota undir augun til að birta aðeins til (nauðsynlegt þessa dagana þegar baugun eru stundum
langt niður á kinnar), svo er það ,,blurring" púður sem ég nota hvað minnst en það gefur húðinni 
mjög fallega áferð, kinnalitur og sólarpúður. Ég nota kinnalitinn og sólarpúðrið daglega en ég vildi
að kinnaliturinn úr pallettunni væri seldur sér þar sem hann er ótrúlega fallegur. Öll púðrin gefa
húðinni svo fallegan ljóma sem ég elska!

Ég er að telja niður til jóla með ykkur á Instagram en þar er ég að gefa nokkrar af mínum uppáhalds
vörum sem ég uppgvötaði á árinu. Seinustu helgi gaf ég tveimur vinkonum uppáhalds brúnkuna mína
frá St. Tropez og þessa helgi ætla ég að gleðja tvær vinkonur og gefa þeim uppáhalds vörurnar mínar
frá BECCA, þar á meðal Be A Light pallettuna og svo Under Eye Brightener. Endilega færið ykkur 
inn á Instagram hjá mér til að taka þátt en þið finnið mig þar undir @alexsandrabernhard 


Þessi færsla er ekki kostuð en hún inniheldur auglýsingalinka.
ASOS mini smock dress (HÉR)     ASOS ribbed jumper in fine knit (HÉR)
ASOS bodycon dress (HÉR)     ASOS wrap skirt in snake print (HÉR)
RIVER ISLAND split jumper (HÉR)     MONKI longline puffer (HÉR)

Black Friday gleðin heldur áfram en um daginn deildi ég með ykkur óskalistanum mínum frá
NA-KD en þar er 30% afsláttur af öllum vörum (sjá færslu HÉR). Asos hefur alltaf verið með
í þessu og er 20% afsláttur af öllu frá þeim um helgina með kóðanum HELLO20. Mér finnst
frábært að nýta þessi tilboð til að byrja á jólagjöfunum en það er einmitt sem ég ætla mér að
gera í ár - upp á síðkastið hefur úrvalið inn á Asos aukist til muna og bjóða þeir núna upp á
snyrtivörur, heimilisvörur og aðrar smávörur sem eru sniðugar í jólapakkann. 

Hér höfum við óskalistann minn frá Asos í augnablikinu en er ég búin að panta mér einn hlut
af listanum og hef ég notað hann mikið. Það er þessi peysa en hún er úr mjög mjúku efni og
er fullkomin við uppháar lausar buxur og pils - hún er til í fleiri litum svo mögulega þarf ég
að næla mér í fleiri eftir peysustraffið. Happy shopping 
Þessi færsla er ekki kostuð.

Seinasta sunnudag gáfum við litla kallinum okkar nafnið sitt og héldum við veislu fyrir nánustu
fjölskylduna okkar. Dagurinn var yndislegur í alla staði og erum við ekkert smá heppin með
fólkið í kringum okkur! Við vorum búin að ákveða áður en við eignuðumst hann að við ætluðum
ekki að skíra börnin okkar heldur nefna þau - við erum hvorug skráð í þjóðkirkjuna og því hentaði
þetta okkur best. Okkur langaði þess vegna að gera eitthvað skemmtilegt í kringum það að tilkynna
nafnið hans og enduðum við á því að hafa stafarugl. Það gekk ótrúlega vel og var mjög skemmtilegt
en við prentuðum út stafina í nafninu hans og nokkra auka (ansi marga þar sem nafnið hans er stutt
og vildum við hafa þetta smá erfitt). Við vorum með 5 eintök af öllu og því gátum við skipt gestunum
okkar niður í 5 lið sem hentaði fullkomnlega. Á meðan þau reyndu að giska löbbuðum við á milli
borða og tókum burt þá stafi sem áttu ekki við. Þegar liðin héldu að þau væru með nafnið þá var
öskrað bingó og þegar nafnið kom loksins tilkynntum við það fyrir öllum. Litli maðurinn okkar
fékk nafnið Frosti Níelsson en þá nótt sem hann fæddist var fyrsta næturfrostið.

Við buðum svo upp á sveppasúpu, brauð, pestó ásamt kökum og kaffi en við héldum veisluna
í Grindavík á veitingarstaðnum hjá höllu sem er í eigu systur hans Níelsar. Maturinn var allur frá
henni fyrir utan eina köku en hana pantaði ég hjá 17 sortum. Mig langaði í eina ,,skírnarköku" og
pantaði ég red velvet köku með rjómaostkremi og var hún ekkert smá góð. Mamma skreytti hana
með blómum og pantaði ég nafnaskiltið hans af Hlutprent - ótrúlega falleg kaka þó ég segi sjálf
frá. Yndislegur dagur í alla staði 


Blogger Template Created by pipdig